Laksen

Produksjonen startar med rogn, som vert klekt ut i vårt moderne klekkeri. Denne fasen varer i om lag tre månader, der vi legg stor vekt på gode forhold for utvikling av fisken frå første stund.

Når rogna har klekt, går fisken over i yngelfasen. Etter at plommesekk-yngelen har brukt opp matpakken den har med seg får den tilpassa fôr og optimale vekstvilkår i 6 meter kar slik at den utviklar seg til ein sterk og frisk presmolt.

I presmoltstadiet veks fisken vidare i 12 meter kar i ferskvatn. Dette varer i tre månader, og me nyttar avansert teknologi for å sikre god vasskvalitet og fiskehelse. Når fisken byrjar å verte klar for sjøvatn gjennom smoltifisering vert den flytta til neste avdeling som me kallar postsmolt.

Etter smoltifisering vert fisken gradvis tilpassa meir sjøvatn. I denne fasen vert fisken vaksinert og her held han fram med å vekse i 16 meter eller 20 meter kar til han er klar for vidare oppdrett i lukka merdar. Denne prosessen sikrar optimal tilpassing og god helse før fisken vert smålaks.

Når fisken har nådd smålaksstadiet, er han klar for vidare vekst i lukka sjøanlegg. Etter ein påvekstperiode her vil den til slutt ha ei mykje kortare tid i opne merdar hjå våre kundar. I tida framover vil me også planlegge for å ha ein del laks heilt til slakt i lukka merdar.